Relative na Pagsisikap

Paano ito gumagana?

Ang Relative na Pagsisikap, na makikita sa page ng mga detalye ng aktibidad, ay sumusukat sa kung gaano karaming gawaing cardiovascular ang inilaan sa anumang aktibidad na may data ng bilis ng tibok ng puso o Naramdamang Pagod. Ang isang maikli at matinding aktibidad ay puwedeng mangailangan ng kasing daming pagsisikap na tulad sa mahaba at magaang aktibidad, at ginagawang posible ng Relative na Pagsisikap na maihambing mo ang dalawa. Bukod pa rito, ang iba't ibang uri ng aktibidad ay may kaniya-kaniyang bigat para maihambing mo ang iyong mga pagsisikap sa iba't ibang sports, at ang iyong mga value ay naka-personalize sa mga sarili mong heart rate zone para maikumpara mo ito sa ibang mga atleta.

Kung ikaw at ang kaibigan mo ay parehong tumakbo ng inyong pinakamahirap na 10K na pagsisikap, magiging magkatulad ang inyong Relative na Pagsisikap kahit na magkaiba ang oras ng pagtapos ninyo. Gayundin, kung nagbisikleta ka nang buong lakas sa parehong haba ng oras, maikukumpara rito ang iyong Relative na Pagsisikap.

Graph ng Relative na Pagsisikap

Puwedeng i-access ang iyong graph ng Relative na Pagsisikap mula sa page ng mga detalye ng aktibidad, sa iyong profile page sa Strava mobile app o website, o mula sa mobile app sa pamamagitan ng pagpili sa Ikaw > Progress.

Ipinapakita ng graph ng Relative na Pagsisikap ang load ng pagsasanay na naipon mo sa iyong linggo. Ipinapakita rin nito kung paano ka umuusad linggo-linggo at nagbibigay ito ng lingguhang range ng Relative na Pagsisikap, na ipinapakita ng puting band sa gitna ng graph. Ang bahaging ito ay nagbibigay sa iyo ng iminumungkahing range na dapat mong maabot batay sa iyong tatlong linggong average. Puwede mong piliing makamit ang pasok, lampas, o mas mababa sa iyong range depende sa iyong pagsasanay at mga layunin:

• Sa loob ng range:Ang iyong pagsasanay ay naaayon sa iyong 3 linggong average, na makakatulong sa pagbuo o pagpapanatili ng fitness habang nababawasan ang panganib ng sobrang pagsasanay.

• Mas mababa sa range:Naghihinay-hinay ka lang. (Hindi ito masama.) Ang mga linggo ng pahinga ay mahusay na paraan para maka-recover mula sa matitinding pagsisikap o maghanda para sa mas marami pang pagsisikap.

• Mas mataas sa range: Mas matindi ang pagod mo kaysa sa karaniwan ngayong linggo. Ang malalaking pagsisikap ay puwedeng maghatid ng mga fitness gain pero siguraduhing susundan mo ang mga ito ng tamang pahinga.

FAQ

Paano ko masisiguro na tumpak ang aking lingguhang range?

Mas nagiging tumpak ang iyong lingguhang range habang mas nagpapakita ang iyong mga upload ng karaniwang level ng aktibidad mo. Magpatuloy lang sa pag-record!

Bakit hindi ko makita ang Relative na Pagsisikap para sa aking aktibidad? 

Ang Relative na Pagsisikap ay available lang para sa mga subscriber sa mga aktibidad na may data ng bilis ng tibok ng puso o may inilagay na Naramdamang Pagod. Kung ang iyong aktibidad ay may bilis ng tibok ng puso, at hindi mo ito nakikita sa Strava, tiyaking pinayagan mo ang Strava na ma-access ang data na may kaugnayan sa kalusugan.

Paano ko maitatago ang Relative na Pagsisikap sa isang aktibidad?

Ang feature na Itago ang Stats ay mag-aalis ng bilis ng tibok ng puso sa iyong aktibidad at magtatago sa Relative na Pagsisikap na score. Makikita mo pa rin ang Relative na Pagsisikap na score kapag tinitingnan mo ang iyong aktibidad, ngunit hindi ito makikita ng ibang mga atleta.

Alamin Pa

Blog ng Strava